Shekaru 10 da rashin ka Sarkin Gwoza Shehu Mustapha Idriss Timta

Baba Ina mai gaya maka.

Tun da ka tafi ka bar mu a haka. 

Babu cigaba kuma babu haɓaka.

Sun kashe Sir Isa Dan uwan ka

Sun rakarkata maka garin ka 

Sun keta haddin muradun ka 

Sun kona duk wani makarantun ka 

Sun daina daraja iyalan gidan ka 

Kulluma kunci harda kuka 

An daina yin noma a garin ka 

Mutanen ka sun koma maroka

An maida su yawo kamar hauka 

Zuciya ta rube kamar tauka 

Babu wani babba da zai tuna ka 

Magana nake kamar waka 

Mai tunani kadai zai san haka 

Gaskia nake amman fahimtar ka 

Roko nake, ka tsaya a haka

Me suke da shi da zan roka

Bayan ni dasu akwai doka 

Kar ka tsaya bata lokacin ka 

Gaskia ɗaci take ina gaya maka 

Me suke da shi da zasu baka 

Bayan kai dasu kun wuce haka 

Sun dade suna satar kudin ka 

Sun kasa yi maka abin cigaban ka 

Babu wakilci da zai nuna ka 

Kunya zaka ji idan anyi haka 

Da su nake ƴan siyar ka 

Ka rike su kamar Allahn ka 

Tunani kake su daukaka 

Bayan ma daga kai suke samun daukaka

Babu kai babu su ka shaida haka 

Da ka, ka, ka, nake sauke haka

Magana nake saɓanin fahimtar ka 

In ka gane ya ishe ka haka 

In kuma ka kiya ku shaida haka 

Allah yayi rahama ya kuma jikan ka

Gaskia daya ce, mun rasa ka